Hoben a bolter cu su Honda Fit riba Avenida Nelson O. Oduber

The content originally appeared on: Diario

ORANJESTAD (AAN): Diasabra marduga pa mas o menos 2’or, polis a ripara na un incidente poco pazuid di e cruzada di ex House of Cheng, unda un hoben a bolter cu su Honda Fit.

            Na nan yegada, polisnan a topa cu e hoben chauffeur di 21 aña, kende aparentemente a ranca un palo di luz completo prome cu bolter cu su vehiculo. E Honda Fit a keda ariba su dak despues di e impacto.

            Aunke e hoben a mustra un señal di ta “ok,” polisnan a tuma e precaucion di pidi un ambulance pa haci un control medico riba e hoben.

            Durante e yegada di e ambulance, mayornan di e hoben tambe a presenta na e sitio, mustrando nan preocupacion. Danki Dios, despues di e chekeo medico, nan yiu a wordo confirma cu no tin lesionnan serio, solamente daño material notabel tanto na e vehiculo como na e palo di luz cu a keda ranca.

            E caso ta wordo investiga pa determina e circumstancianan exacto di e incidente. Ta un recordatorio pa tur chofernan pa maneha cu precaucion y atencion pa evita incidentenan di trafico y proteha nan seguridad personal y di otro.