Hendenan ta bisa cu nan no gusta politiek pero si abo no vota ta otro hende lo dicidi pa bo

admin

Mensahe di Diana Hennep di PPA/UPP

ORANJESTAD (AAN): Diana Hennep di Partido PPA/UPP, ta mustra cu semper ora di bishita hende, bo ta scucha nan bisa: “Ami no gusta politiek”.  Of tambe: “Ami no ta bay vota!!!”

“Esei mi ta scucha di diferente hende. E hendenan aki ta bobo? Nan ta hende di mondi?  No, mi ta scucha esaki di hende educa y cu ta biba den ciudad. Pero kico nan kiermeen?”

Segun Hennep, ora di debati cu nan bo ta tende cu nan no gusta politiek manera e ta na Aruba. Tiramento di lodo, insulto, hinca famia aden, bay back 10, 20 ,30 aña den bo pasado. Esun cu no tin pica e tira e promer piedra! Campaña miyonario, gastamento di placa di pueblo of fuentenan desconoci. Ken tin doño?  Tambe tin pleitamento den famia of entre amistad.

“Shonnan ora eleccion caba nos tur tin cu biba hunto na Aruba. Nos di P.P.A. ta boga pa un campana na nivel, transparencia di fondonan uza. Respeta otro y cumpli cu promesanan haci den campaña,” Diana Hennep a bisa.

“E voto ey cu bo no kier uza a worde bringa duro pe. Specialmente pa e hende muher. E voto ey ta bo unico manera di dicidi riba bo futuro y di bo yiunan, y con bo Pais ta worde goberna. Si bo no vota un otro ta dicidi pa bo.”

Un voto pa un partido chikito ta benta afor? No tur partido grandi un dia tabata chikito. Si suficiente hende tin e curashi di ta diferente, cu di berdad kier un cambio di e mes un storia. Un partido chikito ta yuda pa haci un diferencia pa bo pais stima Aruba.

Next Post

Aruba mester diversifica su producto y cambia bin cu diferente oferta pa e turistanan

ORANJESTAD (AAN): Na Aruba, semper e tema di turismo ta keda un punto di discusion.  Esey ta bin debi cu no ta tur hende ta contento cu e bishitantenan. Pa loke ta e cifranan, autoridadnan di turismo na Aruba no ta mira e turista manera antes, pasobra awor ATA tin […]