Hadicurari tin Diadomingo e gran Torneo di Pesca 2024

The content originally appeared on: Diario

ORANJESTAD (AAN): Un biaha mas, Santa Rosa hunto cu nan Seccion di Pesca na Centro di Pesca Hadicurari ta preparando pa celebra ‘Dia di Piscado’

na un forma grandi, y esey ta via di e acostumbrado Torneo di Pesca 2024.

   E evento grandi mes lo bay ta Diadomingo 30 di Juni 2024, for di 6:00 am te cu 3:00 pm, cu salida y yegada na Centro di Pesca Hadicurari.  Lo start di 5:00 am cu un desayuno pa tur esnan cu a inscribi pa participa, pa cortesia di Clubhuise y Wine & Dine.

   Pa exactamente 6:00 am, e botonan ta permiti pa sali riba lama, y asina demostra con bon e habilidad y experticio ta riba lama pa captura pisca.  Tin chens e ora di cay den premio.

   Lo pisca pues pa nuebe ora largo, y pa 3:00 pm exacto (Deadline ta 2:59 pm pa registra bo dos ehemplar mas grandi).  E ora ey tur boto mester ta bek paden.  Di cada boto lo bay pisa e dos ehemplarnan di mas grandi, pa asina competi pa premio.   

   Randy Maduro di Santa Rosa, a splica cu si acaso e piscadornan ripara cu ya nan a captura pisca basta grandi, nan mag di regresa trempan bek tambe caba.  Pues no mester keda te 3:00 pm riba lama.

   Premionan: E biaha aki lo tin premio pa: (*) Pisca mas grandi den Categoria Chikito, (*) Pisca mas grandi den Categoria Grandi, (*) Mayor Bonacanap, (*) Mayor Baraha di Suerte, (*) Mayor Pishiporco, (*) Mayor Grouper, (*) Mayor Snapper, (*) Mayor Tuna, (*) Mayor Picuda, (*) Mayor Dorado, (*) Mayor Jacks, (*) Mayor Conofes, (*) Mayor Mulato, (*) Mayor Hudiu, (*) Mayor di Categoria “Otro”.

   Entrega di premio anochi: E mesun anochi for di 8:00 pm te cu 10:00 pm, e celebracion y entrega di premio lo ta na Centro di Bario Noord.  Pasobra antes e acostumbrado ‘mercado di pisca’ cu tabata ser haci riba beach, awor cu e Beach Policy a cambia, esaki no por wordo haci eynan mas.

   E ora a escoge pa entrega premio na Centro di Bario Noord.