Gobierno a reuni cu Comandante saliente y esun nobo pa Marinierskazerne Savaneta

The content originally appeared on: Diario

ORANJESTAD (AAN): Dialuna 18 di juli, Prome Minister Evelyn Wever-Croes a reuni cu e comandante cu ta saliendo y e comandante nobo di Mariniers Kazerne.

Commandant van Beekhuizen tin ya caba casi tres aña na Aruba y lo ta bandonando Aruba y na su luga ta bin Commandant van Wijk.

   Durante e reunion a refleha back riba e ultino tres añanan aki y e manera con esaki a bay. Prome Minister a remarca cu e relacion di Gobierno y Mariniers Kazerne ta hopi estrecho. Gobierno por a conta riba ayudo di Marinies Kazarne momento cu tabata tin mester.

   Durante e tres aña di Commandant van Beekhuizen, a logra e trayecto di formacion social pa nos hobennan mucha muhe. “Esaki ta un logro hopi importante pa cua mi ta hopi orguyoso di dje. Esaki ta algo cu a tuma hopi preparacion y tambe su riesgonan pero ultimo nos por a mira e resultadonan y mi a keda hopi impreciona di cada un di e damanan cu a caba e formacion social”, Prome Minister a expresa.

   E deseo awo ta pa cuminsa un di dos trayecto y lo cuminsa traha riba e manera con pa genera e interes den nos hobennan mucha muhe pa sigui den e trayecto di formacion social aki.

   “Mi ta desea Commandant van Wijk hopi exito cu su funcion nobo. E momento di traspaso oficial lo ta na augustus pero ya awe mi a cera conoci cu ne y mi ta sigur cu e temporada nos dilanti tambe, e cooperacion ta bay ta hopi estrecho”, Prome Minister a duna di conoce.