Gobernacion mester ta suficiente fuerte pa confronta crisis

The content originally appeared on: Diario

Algemene Rekenkamer Hulandes ta adverti Gobierno Hulandes — *Expertonan ta adverti Aruba cu mester reforsa Ley di Contabilidad — *Mester evita cu Gobernacion por uni cu Parlamento pa abusa di Pueblo 

ORANJESTAD (AAN) — Den un situacion sumamente serio na nivel mundial, e forsa financiero di pais Aruba y  e placa cu e pais tin pa confronta exigencianan serio, mester wordo bon proteha.

E advertencianan di DIARIO pa medio di informacionnan di expertonan cu ta asisti nos den nos trabou, awe ta resona no solamente pa Aruba pero rond mundo.

Aruba a celebra e reunion di e Controladornan General den e region cu sin duda ta crea un momento pa pa duna un lugar special na e lugar cu control di placa di Pueblo ta haya den e sistema democratico.

E control di placa di Pueblo ta esencial pa asina asegura e placa di Pueblo ta sirbi propositonan di Pueblo.

Ley di Contabilidad ta duna tur splicacion kico un gobernante mester haci pa e por gasta un cent di Aruba.

Lamentablemente e leynan importante pa funcionamento di democracia, ta wordo abusa den mundo politico manera rapportnan y casonan di corupcion ta duna prueba.

E rapport “Bo Aruba” a duna motibol pa DIARIO pa basta tempo pidi pa reenforsa e leynan cu mester proteha Pueblo y introduci sancionnan na tur cu abusa di placa di Pueblo.

Generalmente, ora papia di abusa di placa di Pueblo, e pensamento ta bay den direccion di e gobernantenan y o ta mira e papel di Parlamento cu tambe tin herment pa abusa di placa di Pueblo.

Aruba tin e Rapport Bo Aruba, cu mescos cu e Rapport Fondo Desaroyo Nobo San Nicolas, ta duna prueba, con miembronan di Parlamento mes ta sostene gobernantean di nan color politico pa kibra ley cu ta regla e forma y reglanan pa gasta placa di Pueblo.

Parlamento di Aruba a scrap su deber di cuida placa di Aruba ora el a duna Mike Eman como Prome Ministro e posibilidad, pa gasta 1.6 Biyon di Pueblo sin cu control di Parlamento of dor di hasta Reino tabata posibel.

Awe cu na Hulanda Algemene Rekenkamer Hulandes ta splica gobernantenan Hulandes cu nan mester mira con ta duna contenido na un maneho cu ta suficiente fuerte pa soporta crisis, Aruba mester ta na haltura cu defensa di placa di Pueblo ta base di e sistema democratico.

Kico por spera riba termino cortico na mundo, ningun hende ta na haltura. Hecho ta cu tur pais mester prepara nan mes impactonan serio den cual Pueblo mester tin fondo pa sigui cana.

Algemene Rekenkamer Hulandes ta bay profundamente den e forsa financiero cu un pais mester tin pa den bon y mal tempo sirbi bienestar comun cu e placa cu e comunidad ta produci.