Glasnan getint y luznan cu reflehonan blauw ta detayenan cu DTI tin atencion riba nan

admin

Glasnan getint y luznan cu reflehonan blauw ta detayenan cu DTI tin atencion riba nandad97ORANJESTAD   (AAN): Un tema di interes ta e glasnan getint. Enrique Maduro, di DTI a splica cu despues cu a bin un maneho di gobierno riba esaki, pa acepta tint na banda. Parti paras no tin regla riba dje.

Por pone con scur cu ta, aunke cu ta recomenta pa no pone demasiado scur, pa motibo cu e trafico cu ta bin di patras, no ta haya bista pa wak dilanti, door di e auto cu tin, no por wak. Recomendacion ta pa mantene no mucho scur, cu toch hende por wak.

Na banda si tabata tin un areglo algun aña pasa, a haci’e un poco mas scur, mirando cu internacionalmente a ripara cu na Hulanda por ehempel y na diferente estado na Merca, tin diferente porcentahe cu nan ta mantene e tintnan aki y Aruba tambe a bay den esey.

Nos ta na un luga cu tin hopi solo y mirando por ehempel na Miami, caminda cu ta wantando 50%, 30% y tin ora mas. Aruba tambe a bay den e direccion ey. A bah’e di 70% te cu 30% y asina aki e ta un poco mas scur y asina mes toch ta keda cu e claridad necesario cu por wak door di dje y e no tin mester mas cu esey pa proteha parti paden di e auto contra e solo.

Esey ta suficiente. Tin persona ta gusta mas scur cu esey, pa motibonan otro. Tin ta pensa cu e solo ta asina fuerte cu mester mas scur. Tin ta haya permiso por medio di un carta di dokter y eseynan ta pa motibo di enfermedad cu e hendenan por tin cu nan cuero por ehempel. Eynan si ta permiti pa nan haya un tint mas scur.

Tambe tin otro auto cu mester esaki, manera hendenan cu ta carga placa, transporte di placa, nan tambe ta permitibel y tambe otro instancianan, sea cu ta di parti di polis, tambe ta permitibel cu pa motibo di nan trabao cu nan mester di esaki, pa ta scur.

Voor de rest, hendenan ta mas contento awor aki cu e tint ta permitibel, pasobra antes tabata haya auto cu no ta bin keur mas. Awor si, mas y mas nan ta bin pa keur nan auto, cu e ta permitibel, segun Maduro.

 

Next Post

Caso penal contra lider cu ta guia muchanan sospechoso di inmoralidad

ORANJESTAD   (AAN) – E siman aki Corte den Promer Instancia ta trata e caso penal cu Ministerio Publico a cuminsa contra e homber M., kende ta wordo sospecha di a haci inmoralidad cu un mucha muher. Na October 2015, e caso aki a bin dilanti pro forma y a keda […]