Gamma IT Solutions ta finalisa curso di coding na YMCA

The content originally appeared on: Diario

ORANJESTAD (AAN): Diamars, 7 di juni, e ekipo di Gamma IT Solutions a finalisa e curso di ‘Introduction to Coding’ na YMCA.

   E curso aki tabata specialmente pa muchanan entre 9 cu 12 aña y e meta di esaki tabata pa siña e muchanan den e afterschool program di YMCA e base fundamental di coding. 

   Pa por logra esaki e ekipo di Gamma IT Solutions a siña e muchanan con pa haci trabaonan compleho den stapnan mas chikito, tambe a siñanan con pa fix parti di computer codes ora tin fout (debugging), con pa pensa den un manera analitico y con pa traha den grupo.

Riba e ultimo dia e muchanan a ricibi un certificado di participacion di parti di YMCA y Gamma IT Solutions.

Gamma IT Solutions ta gradici Inki Geerman, Mariana Kelly y full e ekipo di YMCA pa e oportunidad pa duna e muchanan e curso di coding.

Teiry Croes di Gamma IT Solutions ta comenta “Pa nos di Gamma semper ta leuk ora un organizacion acerca nos pa duna lesnan di coding na muchanan. Coding ta importante, e ta e futuro y si tin muchanan cu ta interesa den siña un poco di esaki, sigur nos lo yuda unda cu nos por.”