Fundacion SMAC a escoge Darren van Ommeren como nan president nobo

The content originally appeared on: Diario

ORANJESTAD (AAN): Riba Diaranson anochi a tuma luga na sede di ATIA den Pedro Gallegostraat e reunion di directiva di SMAC conhunto cu Raad van Toezicht di SMAC. 

Riba agenda tabatin e votamento pa escoge un directiva nobo pa e maneho diario pa asina bay organiza y dirigi Aruba su Carnaval pa e siguiente carnavalnan.

   Como President a eligi Darren van Ommeren (Gruponan Uni).  Tesorera a bira Kiala Kock (Stichting Musica).  Secretaria ta Edelysse Nicolaas (Gruponan Uni).

   E resto di Directiva di SMAC ta consisti awor di Sharisa Kamperveen (Gruponan Uni), Clarissa Arrindell (Gruponan Uni), Inky Richardson (Stichting Musica), Kathleen Green (Stichting Musica), Cherryldine Buckley (Stichting Musica), Haydy Boekhoudt (Miembro Independiente), Zuleika Willems (Miembro Independiente), y Javier van der Biezen (Miembro Independiente).    Durante e reunion a gradici sr. Jason Brown, Presidente Saliente di SMAC pa su tremendo trabao eherci pa Aruba su Carnaval e ultimo añanan.    Directiva nobo di SMAC ta cla pa traha duro pa structura, organiza y engrandece e fiesta cultural di mas grandi di Aruba, cual ta Aruba su Carnaval.  Nan prome reunion lo bay ta Dialuna 18 di Juli venidero.