Fraccion MEP a hala atencion di Presidente di parlamento

admin

Carta fraccion-1
Carta fraccion-2

ORANJESTAD (AAN): E deficit den nos democracia ta continua cu ceramento di aña parlamentario 2014/2015. Netamente pa esaki fraccion di MEP a entrega un carta halando atencion di Presidente di parlamento relaciona cu varios reunion cu nunca a worde yama.

Segun MEP, tur ora bo ta tende Presidente di parlamento papia di democracia, pero ora cu mester practica esaki ta resulta cu e palabranan bunita ta keda leu di e realidad, ya cu tin un cantidad di tema cu a worde ignora door di Presidente di parlamento.

Den e carta fraccion a recorda Presidente di parlamento cu segun reglamento di ordo un reunion lo mester worde honra y yama den 30 dia. Pa aña 2014 un total di 11 reunion publico a keda sin worde yama.

MEP sigur ta lamenta cu ora ta trata di peticionnan haci door di oposicion tin un medio ignorancia y den cierto caso manera e 11 nan aki nunca ta worde honra. Esaki ta e deficit den democracia cu MEP ta papia di dje y ta condena , segun e comunicado di e partido.

Next Post

Preocupacion di pueblo ta nos trabou!

  ORANJESTAD(AAN)– Diaranson 9 di september a tuma lugar e unico reunion cu Minister Paul Croes, Minister  Otmar Oduber hunto cu miembronan di sindicato. Ariba e punto aki so a basa e manifestacion ayera mainta 11 di september 2015., segun DAS. E meta principal di e reunion tabata e consequencianan […]