Fraccion di AVP presente na un exhibicion di arte na VNOA

admin

ORANJESTAD  (AAN): Segun sra Arends-Reyes e exhibicion di arte di e studiantenan di ‘Academy of Fine Arts and Design Aruba’ semper a conta cu presencia di fraccion di AVP. Arte ariba su mes ta sumamente interesante y mas ainda na momento cu cada obra tin un storia y un tecnica su tras.

Tabata un anochi caminda cu diferente invitado por a disfruta di musica di steelpan y tambe tuma e oportunidad pa intercambia ideanan cu otro invitado. E studiantenan di Academy of Fine Arts and Design Aruba ta sumamente talentoso y tin careranan briyantenan nan dilanti, hopi di nan awe ta skohe pa sigui studia den exterior y no necesariamente na un universidad cu ta afilia na Rietveld, e director a splika cu dependiendo di e interes di cada studiante nan ta yudanan pa nan defini un estudio cu tin corelacion cu locual nan a siña como base na Aruba pa sigui cosecha exito.

E lugar di e recepcion y exhibicion cu ta VNO (Vertegenwoordiging van Nederland in Oranjestad) tin un balor simbolico mirando e lasonan cu tin entre Aruba y Hulanda como madre patria.
Durante e gobernacion di AVP a percura pa diferente entidad y ramo tin partnernan strategico pa asina percura pa nos tin un base solido pa cualkier proyecto na beneficio di nos hobennan y pueblo en general.

Na Aruba tin hopi talento tanto muchanan, hobennan y hende grandi caminda cu gobierno mester
percura pa ofrece oportunidadnan positivo pa cada un por desaroyanan. Den e caso specifico aki ta toca Enseñansa, arte y diseño sra Arends-Reyes a termina bisando.

Next Post

“Nos por traha den coalicion, nos ta traha den coalicion y nos ta bay ta un exito den coalicion”

Ricardo Croes: ORANJESTAD(AAN): Partido RED y su lider Ricardo Croes a sorprende bastante hende riba 22 di September, ora cu Croes a haya mas cu 3 mil voto y RED a haya 1 asiento den parlamento. Pa RED tabata un grato noticia, ora cu Formador Evelyn Wever Croes riba conseho […]