Fiscal kier kita 914 mil florin for di Benny Sevinger

The content originally appeared on: Diario

Ademas di caso penal Avestruz

ORANJESTAD (AAN): Ademas di ta buscando castigo di prison, ta parce cu autoridadnan lo kier pa ex-Ministro Benny Sevinger bay paga tambe placa cu e lo a haya di ganashi di negoshi durante su gobernacion.

    Desde diamars 14 Juni 2022 den Corte di Husticia a sigui cu e “regie zitting” di e caso penal Avestruz. Diamars Fiscal a anuncia cu Ministerio Publico lo cuminsa un caso pa kita pertenencia contra Benny Sevinger.

   Ta sigui scucha testigonan: Mientrastanto, manera DIARIO a publica, e interogacion di testigonan ta sigui tuma lugar. Por a compronde cu e schedule di scucha testigonan ta te Augustus 2022.

   Kita 914 mil florin for Sevinger: Diaranson mainta a sigui cu e “regie zitting” caminda por a scucha Fiscal bisa cu por spera cu ora di tratamento di caso Avestruz cu lo ta e aña aki ainda, lo demanda pa kita 914 mil florin di Benny Sevinger. Esaki a base di investigacion cu a haci den caso Avestruz, caminda a constata cu e sospechoso ex minister Sevinger lo a haya ganashinan.

            Abogado mr. Illes a bisa Hues cu e lo ta prefera pa e caso lo ta despues cu tin e sentencia di Hues den e caso Avestruz.