FADA lo bay investiga si en caso tin ‘Flakka’ na Aruba

admin

Droga peligroso parecido na cocaina

ORANJESTAD (AAN): Tin un situacion cu a capta atencion di hopi hende. Un caso cu a sosode diadomingo cu ta duna e indicacion cu dos hende cu a worde intoxica probablemente cu droga, ta actua como si fuera cu ta Flakka nan a uza. Rulienne Arends, trahado preventivo na FADA ta splica kico Flakka ta y mirando algun imagen, si ta duna indicacion cu e por ta e caso di esey.

Arends a comenta cu di parti di FADA por bisa cu semper ora cu haya situacionnan asina aki presenta, ta haci investigacionnan, trahando hopi di cerca cu Merca, unda cu por a haya un tiki informacion adicional di Flakka, kico e ta.

Kico e ta:

Flakka ta un droga sintetico. Un droga cu ta worde traha den un laboratorio ilegal door di hende unda cu nan ta pone diferente kimico den e droga. Na Merca nan ta haci un comparacion cun’e cu cocaina, pero ta mas peligroso cu cocaina. Flakka por duna hende diferente tipo di efecto. Un di nan cu ta bin dilanti, hendenan ta bira paranoico, cual ta un di e efectonan mas grandi aki. Flakka pa Merca mes, no ta facil pa detecta ainda, kico precies den dje. Pero si nan sa cu e ta un droga sintetico.

E tin diferente kimico y e tin un droga cu por haya facilmente online, na un prijs sumamente barata. Pesey e ta un droga cu ta bin hopi dilanti, vooral den e area di Florida unda cu ta wak hopi awor aki presente.

FADA te ainda no por bisa concreto cu nan a haya informacion corecto cu e ta presente aki na Aruba.

Sigur cu di parti di e fundacion, ta bay busca e informacion, pasobra ta hopi importante si e droga ta presente aki na Aruba pa FADA ta informa di esey, pa por informa pueblo, kico por ta e peliger. E ta hopi facil pa tur hende haya droga awendia. Ta un droga cu por haya facilmente online cumpra y nan tin nan manera pa ship’e, cu bo no ta bay detecta cu e droga tey presente. Sigur por bisa cu e efecto di mas peligroso dilanti ta e paranoia. E peliger cu Flakka ta, cu no por bisa kico ta e dosis por pone cu un hende por fayece door di dje. Door cu nan no sa precies kico tin den dje.

Si bay uza un tiki dimas caba por ta un peliger, entre otro cu por fayece di un overdosis di biaha. No por bisa precies kico tin aden cu nan por bisa cu si un hende sobrepasa tanto, ya nan tin un problema caba cu nan por haya un overdosis di dje.

Con ta uza Flakka:

Segun Arends, e manera mas conoci ta cu Flakka por worde huma, e por worde inyecta tambe. Pa esnan cu no tin hopi conocemento, e ta den forma di cristal. Eseynan por hum’e y inyecta. Esey ta e formanan cu ta conoci na Merca cu hende ta haci uzo di e droga aki.

Pa Arends, e paranoia ta algo cu ta bin dilanti den un droga manera Flakka, pero e por presenta tambe na otro tipo di droganan, specialmente si bay combina droganan cu otro. Esey tambe por presenta e parti di paranoia. Ta hopi dificil si cu siguransa cu por ta Flakka, of si e ta Flakka, pero e ta duna sintomanan di paranoia, cu ta uno cu ta bin dilanti cu e droga aki. Semper mester corda cu hopi biaha hende ta combina droga of cumpra algo cu nan no sa kico tin den dje.

Semper por kere masha facil, manera un ecstasy cu a cumpra, siendo cu ta full un otro cos e ta. Ta algo cu tin cu tene cuenta cun’e.

Flakka na Aruba?

E informacion cu Arends tin, hunto cu su coleganan di FADA, mirando e casonan cu ta bin dilanti, nan ta haci e parti di nan trabao tambe, trahando hopi cu informacion di Merca. Nan tin contacto cu KPA y a base di esey nan lo busca informacion pa wak si e ta presente na Aruba, pa por informa pueblo debidamente.

Esaki sigur ta algo hopi serio. Di parti di FADA ta spera cu Flakka no ta presente na Aruba, y cu no ta e caso. Un biaha mas, si esey ta e caso, lo sa, manera tur e otro droganan cu ta informa, lo sa di pone riba nan lista cu tin na Aruba, pa asina por informa tur hende di dje.

Di parti di FADA, nan tin tur e droganan cu ta papia di dje. Semper ta limita bo mes na algun. Ta haci’e conciente tambe, vooral e hobennan cu tin ora ta tiki curioso. Pero semper ta menciona e droganan comun, alcohol, marihuana, cocaina, extasy, Molly. Pero tambe tin Heroina, tin piedra tambe, cu ta bin dilanti. Pero no ta duna tur informacion, pero ta conciente tambe di con ta haci’e. Tur e informacion eynan ta obtenibel na FADA. Si tin cualkier hende cu kier sa un tiki mas di por ehempel Heroina, por bin FADA y ta duna e informacion eynan.

Droga online:

Arends a splica cu e no por bisa exactamente con e ta bay. Na Merca e ta hopi mas facil pa nan hay’e y mayoria biaha e distribuidornan ta bin di paisnan di por ehempel China, unda cu nan ta traha nan den un cantidad grandi y asina nan ta manda mayoria biaha den post, buki scondi cu lo por pensa cu lo tin droga. No por bisa concreto si aki na Aruba e ta algo cu ta worde haci. Pero cu e ta un manera pa haya droga di otro pais, si

 

Next Post

Defiant Rouhani says Iran will press on with missile program

Iran’s president says his country will press ahead with its missile program and continue to boost military capabilities in defiance of U.S. demands to the contrary. Hassan Rouhani spoke during ……