Exposicion special pa celebra di 45 aña di Matutino DIARIO na Arubiana-Caribiana di Biblioteca Nacional

ORANJESTAD (AAN):  Pa celebra e di 45 aña di Matutino DIARIO, Departamento Arubiana-Caribiana di Biblioteca Nacional Aruba a

organisa un anochi special, na unda invitadonan di un manera conversatorio, a sinta den un ambiente ameno pa recorda y comparti experiencianan unico durante añanan di DIARIO. E exposicion special titula “45 aña di Matutino DIARIO”, ta forma parti di e conversatorio “Comparti nos Herencia” ta habri pa publico for di 3 te 14 di november 2025, na e edificio di Biblioteca Nacional Aruba, Bachstraat 5, Oranjestad. Orario di e exposicion ta: Dialuna y Diaranson di 8:00 a.m. – 5:00 p.m. / Diamars, Diahuebs y Diabierna di 8:00 a.m – 5:00 p.m.

Comunidad ta keda invita pa pasa wak e coleccion historico di matutino DIARIO.