Exitoso celebracion di Dia di Famia na Centro di Bario Playa Pabao

The content originally appeared on: Diario

ORANJESTAD (AAN): Relaciona cu Dia di Famia, un actividad special a wordo organiza na Centro di Bario Playa Pabao.

   Dennis Burke kende ta president di e Centro, a splica cu riba Dia di Famia hunto cu e organizacion di Yvonne Geerman-Bermudez a tene e actividad aki.  Esaki ta prome biaha cu Centro di Bario Playa Pabao ta organiza “Celebracion Dia di Famia”.

   Tabatin diferente organizacion presente unda famianan por busca informacion, y tabatin hopi actividad unda henter famia por participa hunto, manera Seso Sport, Wega di Domino, Face Painting, Show di Baile, y tambe Pustamento di Fli.

   E actividad di 10:30 am te cu 3:00 pm, a conta cu presencia di hopi hende, y esaki a yena e organizadornan cu satisfaccion.

   Yvonne Geerman-Bermudez ta coordina Centro pa Hoben y Famia, a mustra cu nan meta ta pa duna informacion na famia y concientiza y brinda sosten na famianan na Aruba.  E iniciativa aki nan a organiza cu un dia placentero pa famianan bin hunto pa ricibi informacion unda nan por haya sosten durante henter aña pa cualkier problema of solucion cu ta buscando.  Tabatin 15 instancia presente na e actividad di Dia di Famia aki, y asina nan a duna informacion riba tur nan trabao.