Ex manager di InselAir a keda aresta na St. Maarten

admin

ORANJESTAD  (AAN): Polis a aresta e ex manager di InselAir St. Maarten, e homber A.H., riba Diamars mainta en conexion cu un caso di malversacion, envolviendo e y un otro ex empleado, pa supuestamente a horta cerca di $100 mil for di e compania aña pasa.

Vocero di Polis, Chief Inspector Ricardo Henson, a confirma cu e aresto a tuma luga tempran diamars y a nenga di duna comentario, riba e investigacion.

A.H. a laga e isla aña pasa y a biaha pa Republica Dominicana, mientras cu oficialnan di InselAir tabata investigand’e.

A descubri cu e fondonan tabata haci falta, despues di a haci un audit interno door di un team di investigador independiente aña pasa Augustus. Rapport di fondonan cu a falta a cuminsa bin dilanti na e oficina principal na Corsow y gerencia a dicidi di manda e investigadornan pa haya sa kico tabata tumando luga.

Nan a descubri cu e fondonan tabata haci falta y a manda e manager di biaha riba un “leave of absence”, mientras cu e compania a finalisa e contrato di e otro empleado.

Next Post

Algun muher di bida deteni pa encubrimento

  ORANJESTAD (AAN): Diamars anochi polisnan di Oranjestad a subi brabo riba caya despues di a keda informa cu na un tienda den caya un homber for di atardi tabata drenta sali luga tabata horta mercancia y a keda gara via camara. Ora polis a wak a reconoce ambos persona […]