Evelyn a skibi historia poniendo yiunan di dos lider grandi riba lista di MEP

admin

Guisette Croes na Congreso di MEP

MEP CONGRESO-658
MEP CONGRESO-576
MEP CONGRESO-642

ORANJESTAD (AAN): Durante Congreso 2015 di partido MEP tabata tin varios orador interesante. Un di e oradornan tabata Guisette Croes, yiu mayor di Betico Croes den felis memoria, fundador di partido MEP.

Guisette a refleha riba liderasgo y a mustra e lucha intenso di su tata Betico Croes pa nos autonomia, y sigui pa e trabao duro di Nel Oduber pa conserva esaki.

Segun Guisette, Evelyn ta sigui den pasonan di dos lider grandi cu MEP a conose. Guisette a expresa den nomber di henter su famia, e gratitud pa invita Glenbert pa subi lista di MEP.

E punto crucial cu el’a trece padilanti ta e importancia di UNION den partido MEP. Ta solamente un partido uni lo vence.

Y e paso pa pone dos yiu di e dos lidernan grandi di MEP riba lista, ta refleha e union cu tin, y ta refleha e grandesa tambe di Evelyn como lider.

Pasobra contrario na tur conseho y ressitencia, Evelyn a skibi historia poneindo Glenbert y Dangui riba lista.

“Nos tambe ta kere den Evelyn su liderasgo, y nos ta convenci cu Evelyn tin tur cualidad cu un lider di Aruba mester tin”, segun Guisette Croes.

 

Next Post

Jason cu apenas 26 aña ya a haya diploma di Registeraccountant

ORANJESTAD (AAN): Un noticia sigur vale la pena!  DIARIO a haya sa cu dia 25 di September 2015 mayornan di Jason R. Wever a atende e otorgamento di su diploma como Registeraccountant (RA) cual estudio e a finalisa dia 22 di Juni ultimo. Jason a logra esaki cu apenas 26 […]