Esnan cu ta bay Scol pa Polis lo cuminza cu un salario

admin

ORANJESTAD(AAN): E aña aki interes ta grandi pa sigui les y bira Polis!

E alumnonan na Scol di Polis ta cuminsa cu un salario. Esaki ta e unico school cu nan ta pagabo pa siña. Ora cu drenta ta bisa nan pa haci nan best pasobra nan ta worde paga 8 ora.

E salario minimo aki ta 2285 Florin mas of menos. Esey ta loke nan ta bay cas cun’e. Esaki ta bay a base di periodiek y a base di nan estudionan extra pa nan promove nan mes den nan rango. E ora e ta subi sigur.

E educacion mes lo dura 4 aña, y lo ta similar cu un MBO 4 diploma. E dos prome añanan lo ta na school. Despues nan tin e dos otro añanan caminda cu nan lo subi caya. Nan lo bin back pa caba yama zuilen. Y si nan caba cu exito, nan lo tin nan MBO 4 diploma den man.

Segun Roberto Brown, Gobierno ta dicidi cuanto persona nan ta tuma. A base di nan budget cu nan ta traha cun’e, e salario cu nan por paga y tambe ta depende si tin e docentenan pa duna e les tambe. Por pidi pa 1000 polis, pero si no tin e docentenan pa duna e les y e localidad, mirando cu e school ta birando chikito, e ora no por duna e servicio cu kier duna.

Next Post

Polis a los tiro pa por a domina y detene homber arma cu machete

ORANJESTAD(AAN): — Diasabra algo prome cu 7or, un patruya di Noord a bay na un cas na Palm Beach. Eynan un homber tabata causando problema y tabata basta agresivo. Ora cu e prome unidad a yega, a topa cu e homber cu tabata arma cu machete. Polisnan a dune instruccion […]