Ernst & Young a duna presentacion “Doing business in Surinam”

The content originally appeared on: Diario

Minister Geoffrey Wever:

ORANJESTAD (AAN): Diamars merdia Ernst & Young Suriname a duna un presentacion relaciona cu “doing business in Surinam”, con e economia ta, con bo ta haci negoshi na Surinam, con e sistema legal y fiscal di Surinam ta funciona na Minister Geoffrey Wever y e delegacion comercial di Aruba, cu ta actualmente na Surinam.

Surinam ta un pais independiente, cu tin nan mesun reglanan fiscal pero tambe custumbernan cu un comerciante mester tene cuenta cu’ne ora di haci negoshi. Un presentacion sigur hopi interesante y Informativo pa tur esnan cu tabata presente.

Na momento cu Minister Wever a anuncia cu ta bai organisa un mision comercial pa Surinam, Sr. Di-Stefano Wernet, un accountant cu ta trahando na Ernst & Young a propone pa Ernst & Young duna sosten na e mision comercial y asina a organisa pa Ernst & Young duna un presentacion di e delegacion comercial di Aruba.

Minister Wever ta gradici Ernst & Young pa e presentacion amplio duna y pa nan cooperacion cu Aruba.