Entrega di plach’i number 2025 lo bay segun afspraak

ORANJESTAD (AAN):   DIARIO a haya informacion cu Departamento di Impuesto ya caba a ricibi e plach'i numbernan nobo, esta di aña 2025 cu ta di color licht blauw.

            Esnan cu a paga caba, sea mitad aña o full aña 2025 lo por busca nan plach'i number. Pero pa esaki mester warda te ora cu DIMP informa bo ki dia bo por pasa busca bo plach' number, ya cu e biaha aki lo bay segun afspraak sin cu mester bay para den rij. Asina Minister di Finansas a duna di conoce a traves di un video informativo. El a agrega tambe cu pa awor, e material lo wordo poni den un deposito pendiente di e entrega.

            Asina ta cu no desespera of cuminsa yama of puntra tur caminda. Djis keda pendiente pasobra DIMP lo informa debidamente con e sistema di afspraak ta bay tuma lugar den e proximo simannan.

            E adultonan mayor tambe lo haya un manera diferente pa nan tambe por haya nan nummerplaat na tempo.

            E plach'i number aki lo ta valido di 2025 te cu 2029.