E prome trabaonan rond di e trahamento di e rotonde na crusada di ELMAR a inicia

The content originally appeared on: Diario

ORANJESTAD (AAN):   Manera ta conoci, DOW ta bay traha un rotonde na e crusada di ELMAR na Playa. E rotonde aki lo keda cla na 2023.

            Pero mientrastanto, ta realisando caba algun trabaonan y diaranson  anochi a ‘frees’ ful e crusada unda cu lo haya un capa di asfalt nobo.

            DOW a duna di conoce cu e siguiente trabaonan ta: warda departamento di Riolering keda cla cu ponemento di tubo pa RWA (Regen Water Afvoer) pa asina departamento di Infra por cuminsa coba y traha e rotonde.

            Tambe DOW a informa cu tin un desviacion extra (banda di Cooks Restaurant/dilanti On the Rocks Cafe) pa asina por yega Wilhelminastraat.

            Tene cuenta cu e cambionan aki. E trabaonan lo dura dos siman.

Potretnan: Facebook Page DOW