E meta di Plataforma Promocion di Salud ta pa tur instancia envolvi den salubridad traha hunto

The content originally appeared on: Diario

Jasmira Mora-Garces, miembro:

ORANJESTAD (AAN) – Señora Jasmira Mora- Garces, Coordinador di POH y miembro di Plataforma Promocion di Salud, tabata presente y a hiba palabra, den e conferencia di gobierno Diahuebs 29 di September, Dia Mundial di Curazon.

Observando e Dia Mundial di Curazon, Jasmina Mora-Garces a bisa cu e tambe ta miembro di Plataforma Promocion di Salud, y un di nan tareanan ta concientiza pueblo di Aruba, con pa hiba un bida mas saludable.

E meta di Plataforma Promocion di Salud ta pone tur miembro, kiermen tur e fundacionnan y hendenan cu ta traha y tin di haber cu salubridad, pa ta hunto den un solo plataforma.

Esaki ta importante, pasobra nan mester yuda otro di biaha. Nan tin diferente sector cu ta traha riba un causa, pero cada un ta traha riba nan isla y asina aki e no ta algo eficiente.

“Dus, e meta di Plataforma di Salud ta pa zorg pa tur e sectornan di salubridad ta hunto, y pa asina ey, cada un cu tin nan proyecto por yuda stimula otro, y reforza e proyectonan di otro y asina, nos tur ta traha hunto pa cu e mesun proyecto”, e dama a reitera. Mora-Garces a papia tambe tocante e proyecto “Sa bo number”, y por lesa al respecto den otro articulo.