E di 4 edicion di “Diabetes Walk & Run 2021” dia 14 di November proximo

The content originally appeared on: Diario

Na Aruba rond di 16.2% di e poblacion tin Diabetes — ORANJESTAD (AAN):– E di 4 edicion di “Diabetes Walk & Run” ta cla pa bo inscripcion.


            E evento ta organiza pa trece conocimento di World Diabetes Day y Diabetes como un malesa. Na Aruba, ongeveer 16.2% di nos populacion tin Diabetes, cual ta dos biaha e cantidad di e average mundial (8.3%). E fondonan recauda lo wordo dona na Fundacion Diabetes Aruba, pa asina por sigui combati e malesa.

            E evento lo ta parti den 7 categoria, cu premionan pa cada categoria. E Walk & Run lo wordo documenta cu un BIB-chip pa asina forma parti di e evento #6 di e Patrishi National Adult Ranking y evento #8 di e Youth & Kids Ranking. Tur participante lo ricibi un Dry-Fit shirt conmemorativo di e walk & run, Medals, un goodie bag y tambe Fruta y cos di bebe.

            E evento lo tuma lugar na Botica di Servicio Eagle cuminsando di 5:30 AM riba Diadomingo, 14 di November. E adres ta Caya Punto Brabo 17 bandi SVB Eagle. 

7 categorianan di e evento: 

200 meters kids run (4-5 years old)

400 meters kids run (6-7 years old)

800 meters kids run (8-9 years old)

1500 meters kids run (10-11 & 12-13 years old)

3000 meters youth run (14-16 years old)

5 km run & walk (17 years & older)

10 km run (17 years & older)

            Bo por pasa pick up bo BIB-nummer, shirt y goodie bag na Patrishi store cu ta keda na Emmastraat 3, Oranjestad.

            Esaki lo por wordo haci desde September 27 te cu November 12 entre Diamars cu Diasabra entre 10AM – 6PM. Riba dia 14 di November di evento no por pick up bo BIB of paga.

            Inscripcion por wordo online riba www.diabetesrunaruba.com