E atracador asesino tambe ta herida

admin

Ultimo ora…

E atracador asesino tambe ta heridaORANJESTAD(AAN): Diamars despues di 6’or di atardi un conferencia a worde yama caminda minister Arthur Dowers y Top di Polis cu Ministerio Publico tabata presente.

Durante e ocasion aki a hiba palabra minister Dowers mes, Officier di Husticia na Ministerio Publico y tambe Alto Comisario di Polis.

Aki a trece algun informacion importante pa e comunidad. A sali na cla cu den e caso aki e criminal cu a comete e atraco na Wayaca, tambe ta herida.

   Pesey ta importante pa esnan cu mira cualkier movecion straño cu un persona herida, ta bon pa notifica Polis. Fiscal a splica cu nan no por tur informacion pero asina cu tin update importante lo laga sa na e pueblo. Tambe minister Dowers a splica cu ta bay atende mesora cu cierto cambionan y pesey a yama entre otro coleganan di Parlamento pa asina mustra kico ta e cambionan cu tin.

   Parce cu diaranzon mainta lo tin reunion di Parlamento riba e tema di criminalidad. Cambio di leynan urgente pa bira mas efectivo contra e criminalnan ta necesario segun e minister di husticia a laga sa. E no kier a bay den detaye riba e cambionan aki.

Next Post

Aruba a bay den panico cu atraco fatal na Wayaca

Un morto y un herido ora a los tiro den hogar ORANJESTAD(AAN): E cantidad di caso di ladronicia, kiebro, y atraco a conoce su punto di climax mas espantoso, riba Diamars 13 di September.    Mainta apenas a start, cu e informe di e atraco cometi riba empleado di Boogaard […]