Dos hende muhe y dos hende homber deteni durante entrada hudicial na Sero Biento y Casibari

The content originally appeared on: Diario

Cuerpo Policial — ORANJESTAD (AAN): En conexion cu un investigacion  andando Project Team Drugspanden a haci un entrada hudicial den un cas na Sero Biento y un cas na Casibari


y segun informacion di vocero di Polis, Lito Lacle, a logra detene 2 hende muhe y 2 hende homber pa bendemento di droga. Durante razzia, polis a confisca un cantidad di droga (marihuana, XTC y basta cocaina) y un cantidad considerable di placa. E vocero a agrega cu e razzia tambe a conta cu participacion di diferente departamentonan di Cuerpo Policial entre otro Arrestatie Team y K9 unit.

E inicialnan di e dos hende muhenan ta J.M.K. naci na Aruba 46 aña y M.A.C.K.  naci na Aruba 32 aña. Inicialnan di e dos hende hombernan ta S.Y.V.K. naci na Aruba di 23 aña y B.S.J.K. naci na Aruba di 21 aña.
Project Team Drugspanden ta un team cu a wordo lanta pa entre otro investiga bendemento di droga for di un percela y ariba caya.
Cuerpo Policial ta urgi comunidad pa nan por resolve mas caso cooperacion y informacion di pueblo di Aruba ta hopi importante, pesey ta pidi pa duna nan cualkier informacion via tiplijn di Polis 11141.