Dos Arubiano aresta na Malta pa posesion di droga

admin

Dos Arubiano deteni den aeropuerto di Malta pa trafico di cocainaORANJESTAD (AAN) – Den diferente medio di Malta a keda publica e detencion di dos persona di Aruba, kendenan a wordo haya cu droga. Manera ta conoci, e situacion di huicio na Malta ta uno hopi difícil.

Un team di Polis anti-droga a aresta dos persona di e isla di Aruba, despues di a haya nan den posesion di droga na aeropuerto Diasabra.

Den un declaracion cu Polis a saca, ta wordo bisa cu nan a aresta un homber di 41 aña y un muhe di 30 aña, y ambos ta den posesion di paspoort Hulandes, despues di a haya informacion cu nan tin capsulanan cu ta contene droga na aeropuerto.

Testnan medico na Mater Dei Hospital a confirma cu nan tabatin capsulanan cu a pisa un total di 800 gran di cocaina.

E Arubianonan a keda den detencion den Corte y acusa di importante y posesion serio di cocaina. Peticion pa libertad bou di fiansa a wordo rechasa.

E aresto a tuma luga diasabra ultimo den oranan di anochi. Tur cos tabata posibel debi na un tip cu autoridadnan a ricibi.

E stranheronan a wordo presenta dilanti Hues diamars mainta. Nan a declara nan mes no culpabel pa cargonan asocia na importacion di cocaina y posesion di droga ilegal y a keda den custodia.

Na Malta e situacion ta diferente cu na Aruba. E caso ta den man di Fiscal Publico cu mester dicidi den cual Corte e caso di traficacion di droga y e bracket di castigo den cual nan ta bay cay. E castigo por ta entre 6 luna y 10 aña si e wordo husga door di un Corte di Hueznan, of cuatro aña te bida largo si e wordo huzga den un Corte Criminal.

Pa dicidi riba esaki, ta tuma na consideracion varios factor, si bida di e persona no ta den miho circumstancia of si e veredicto di hurado ta unanime y den un caso asina, e sentencia por varia entre 4 y 30 aña y un boet di 1000-50 000 liri (€2350 – €118 000). Si e condena ta den Corte di Magistradonan, pa esaki tin un castigo di 6 luna te 10 aña di prizonm cu un boet di 200-5000 liri (€470-€11 800).

Next Post

Colombiana deteni den atraco Excelsior ta liber

ORANJESTAD (AAN) – E muhe Colombiano deteni den e caso di atraco cometi riba Excelsior Casino a dicidi di kibra silencio despues cu el a keda den libertad. Den un declaracion cu el a duna, el a expresa cu e ta den libertad y liber di tur acusacion. Manera ta […]