Docentenan a celebra bay goal ora di Spula Krijt

The content originally appeared on: Diario

ORANJESTAD (AAN): E ultimo dia di scol a yega!  Esey nifica cu e docentenan a aglomera mesora riba Plaza Turismo,

dilanti Sandra’s Garden riba Linear Park, pa festeha nan tradicional despedida di Aña Escolar, conoci como ‘Spula Krijt’. 

E animacion musical tabata consisti di dos banda, esta ‘N Fuzion y tambe One Of A Kind Music.  

Fuera di esey tabatin diferente discjockey, manera DJ Vibes, DJ NutzBeatz, DJ Splash, DJ Ricky, y DJ Gogo. 

Asina nan a cuminza na forma alegre nan merecido vakantie.