Director di HOH kier termina contrato di ImSan cu Banco di Sanger di Aruba

The content originally appeared on: Diario

Parlamentario Arthur Vallejo ta denuncia:

*Pa stroba ImSan cumpra sanger pa pashentnan 

ORANJESTAD (AAN) – Den conferencia di prensa di fraccion di MEP, Parlamentario Arthur Vallejo, siguiendo cu e tema di e mocion cu el a presenta y cu a wordo aproba unanimamente pa e 21 miembronan di Staten, el a sigui relata tocante su preocupacion encuanto e maneho di e sector salud na Aruba.

Vallejo a subraya cu un Aruba na 2022, unda un director di Hospital dr. Horacio Oduber (HOH) ta distancia su mes di ciruhianan haci den otro instancia di salud.

“E ta distancia su mes di su obligacion pa brinda cuido di salud ‘no matter what, no questions ask’. Y e ta menaza tambe di termina contractnan haci cu ImSan y Banco di Sangre di Aruba, pa stroba e compra di sanger cu ta garantiza cuido y minimiza riesgo pa e pashentnan na ImSan. E comportamento aki mester wordo coregi di inmediato”, Parlamentario Vallejo ta denuncia.

El a subraya cu esaki no ta cooperacion, en todo caso. El a agrega cu despues di a trata un presupuesto di Pais Aruba, extensamente, hopi punto a wordo trata cu definitivamente, tin hopi relevancia, y ta hopi interesante pa considera, y mas importante ta pa Parlamento cuminza traha y ehecuta nan.

“Awo mester traha duro y ehecuta manehonan husto cu ta duna oportunidad pa dirigi nos pais, pa inclui nos tur, specialmente den e aña decreta di inversion y oportunidad pa nos tur, hospitalnan grandi y chikito” Vallejo a reitera.