Directie Onderwijs y DPS sondeando tur posibilidad pa 16 docente di Papiamento haya un trabao

The content originally appeared on: Diario

ORANJESTAD (AAN): Den fin di siman, Gobierno a duna un splicacion amplio encuanto un total di 16 docente di materia “Papiamento” cu ta sin trabao.

   Gobierno a bisa, cu nan a pidi Directie Onderwijs y Dienst Publieke Scholen (DPS) pa sondea tur posibilidad pe docentenan haya un trabao. E siman aki mester presenta un plan kico ta posibilidadnan den espacio cu tin. Si tin un posibilidad cu lo por duna nan proyectonan pa haci cu mester worde realisa manera e.o. SAM.

   Inicialmente cu un contract di un of dos aña pero esaki por worde extendi te ora cu tin posibilidad pa nan duna les.

   Minister Endy Croes a sigui bisa cu no ta prome biaha cu Aruba ta confronta e situacion aki. Ainda por corda algun aña atras pa ta exacto na 2011 bao di maneho e tempo ey di AVP na unda cu diesun docente cu a finalisa nan estudio di CKV na IPA nunca no por a haya un trabao. Te cu nan mester a bay eherce un otro trabao.

   E dignatario a sigui bisa cu lo bay atende cu IPA tambe, nos tin cu bay traha cu un planificacion. Una bes nos tin e sistema di data ‘in place’ nos lo por maneha mas miho. E ta un cuestion di planifica y traha miho pa futuro