Diferente oficial di Polis a ricibi nan promocion y aña di servicio

The content originally appeared on: Diario

ORANJESTAD (AAN): Recientemente na Centro di Husticia na Santa Cruz a tuma lugar entrega di, 25 aña ,30 aña  y 35 aña di servicio,

y promocion na agentenan policial como tambe personal administrativo. Famia, coleganan y amigonan a bini hunto pa e momento special aki.

   For di man di Altocomisario suplente Señora Irma Gordon a haci entrega di promocion na agente policialnan cu awor ta carga un rango mas halto.

   Ta trata aki di agentenan Marc J. De Kort cu a promove di Agent 1ste klasse pa Brigadier.  Alejandro Pirela Soto cu a promove di Agent 1ste klasse pa Brigadier.  Raigel M.A. Hoen cu a promove di Agent 1ste klasse pa Brigadier.

   Tambe Gislen M. Richardson kende a promove di Brigadier pa Brigadier 1ste klasse.  Tambe Jennyfer J.O. Simmons kende a promove di Brigadier pa Brigadier 1ste klasse.  Tambe Ivan R. Kelly kende a promove di Brigadier 1ste klasse pa Hoofdagent.

   Tambe tin Pearl M. Charles kende a promove di Hoofdagent 1ste klasse pa Onderinspecteur.  Tambe tin Marlon P.N. Raphaela kende a promove di Onderinspecteur pa Onderinspecteur 1ste klasse.  Tambe tin Rodney R. Solognier kende a promove di Onderinspecteur pa Onderinspecteur 1ste klasse.

  Parti di personal administrativo di Cuerpo Policial Aruba cu a haya promocion. Ta trata aki di Gino R. Jansen kende a promove di Klerk 1ste klasse pa Hoofdklerk.

   Loke ta e parti di polisnan cu a celebra aña di servicio ta Elias E.D. Halabi kende tin 25 aña di servicio  den Cuerpo Policial Aruba.  Tambe Atalo A. Winklaar kende tin 35 aña di servicio den Cuerpo Policial Aruba.

   E parti administrativo cu a celebra aña di servicio ta Caroline Peterson kende tin 30 aña di servicio.

   Pabien na cada oficial y funcionario cu a worde promociona cu nan rango nobo. Esaki ta nifica cu e responsablidad ta bira mas grandi pero no tin e duda cu nos agentenan ta capas pa cualkier eventualidad. Na e personal administrativo cu ta nan weso di lomba, masha masha pabien!  Por mira cu nan esfuerso y dedicacion den e organizacion y esey ta wordo aprecia.

   Na esnan cu a cumpli 25 aña, 30 aña y 35 aña den Cuerpo Policial Aruba, danki pa e sosten, dedicacion, tempo y esfuerso cu a hiba boso asina leu den boso carera. Masha pabien. Pueblo di Aruba por ta orguyoso di boso.