Diamars atardi cu evento pa esnan cu kier siña paga coriente prepaid usando Pay.aw

The content originally appeared on: Diario

Evento special di Elmar y Setar

ORANJESTAD (AAN): Recien e companianan NV Elmar y Setar NV a introduci un opcion conveniente di pago pa esnan cu tin coriente prepaid, pues yama ‘SmartUp y ChargeUp’, y esaki ta usando e app yama Pay.Aw na Aruba.

   E lansamento di pago digital via Pay.Aw tabata un introduccion di metodo adicional di pago di NV Elmar, apart di e otro metodonan di pago existente pa su clientenan cu ta prefera un transacion personal.  NV Elmar su meta ta keda pa ofrece su clientenan diferente opcion di pago considerando tur preferencia di su clientenan cu ta prefera transaccion online y su clientenan cu ta prefera un transacion personal.

   Team Elmar en colaboracion cu Team Setar, ta anuncia un “Atardi di Informacion” specialmente pa clientenan di SmartUp y Chargeup. E meta principal di e atardi aki ta pa brinda e clientenan informacion valioso y asistencia pa crea un cuenta y domina e proceso di recarga nan meter SmartUp Prepaid y EV ChargeUp uzando e app Pay.Aw di Setar.

   DIARIO a compronde cu e evento lo tuma lugar diamars, 6 di Februari, for di 5:00 pm pa 8:00 pm na Showroom di NV Elmar na Oranjestad. Clientenan di SmartUp y ChargeUp ta bonbini pa pasa cualkier momento durante e evento. Durante e atardi, e asistencianan ta inclui:

(*) Asistencia pa crea un cuenta riba e Pay.Aw app.

(*) Comprendemento di e beneficionan di e Pay.Aw app.

(*) Guia paso-paso riba con pa recarga meter SmartUp of ChargeUp via e app.

(*) Resolve cualkier pregunta of preocupacion relaciona cu SmartUp y ChargeUp, y e app Pay.Aw

   E miembronan di Team Elmar y Team Setar lo ta disponibel pa brinda asistencia y sosten personalisa durante e atardi. E evento aki ta diseña pa duna e conocimento y hermentanan necesario pa un experiencia sin problema. Nos ta encurasha tur cliente di SmartUp y ChargeUp pa marca nan calendario y bishita nos Atard di Informacion aki.

  Hunto, lo cuminza un caminda pa mas conveniencia y eficiencia cu SmartUp, ChargeUp y e app Pay.Aw.

   Nan ta warda bo riba diamars, 6 di februari, na Showroom di Elmar na Oranjestad.