Diabierna lo observa Dera Gai na Club Universal

The content originally appeared on: Diario

ORANJESTAD (AAN): Diabierna awo Aruba ta celebra San Juan y fiesta di Dera Gai. SV Universal, situa na Pos Chiquito tambe tin un programa prepara.

   E evento ta start pa 6.30 di atardi cu Festival di Cuminda, crioyo, y musica di Caha di Orgel. Den e cushina lo tin diferente cuminda of pasa boca, manera ta haya ora di celebracion di Dia Nacional di Aruba. 

   Durante e celebracion ta bay tin e tradicional baile di San Juan, unda tur presente ta haya chens di mata e gai. Tambe lo tin un show di baile y e lo ta un anochi yena di ambiente.

   Yega y pasa un atardi / anochi celebrando San Juan y purbando pa mata e gai, mientras cu bo por purba cada un di e platonan cu lo tin disponibel.

   Club di SV Universal ta situa banda di e veld di bala. Tuma e caminda pa bay Sabana Basora (na e rotonde di Pos Chiquito) y bira na e prome entrada na banda drechi y e club ta na banda drechi.