Dia 11 di e luna aki ta bay tin e di 5 edicion di E-Aruba Business Seminar

The content originally appeared on: Diario

ORANJESTAD (AAN): E di 5 edicion di E-Aruba Business Seminar ta bay tuma lugar riba 11 di Juni na Renaissance Convention Center.

Esaki a wordo anuncia durante un conferencia di prensa.

Mark Benson di The Lab a splica cu tabata planea pa esaki tuma lugar na 2020, pero debi na e pandemia di Coronavirus esaki a wordo posponi.

Benson a splica cu ta trata aki di un seminario cu ta bay dura mitad dia riba e Diasabra.

“Durante e seminario nos ta papia cu diferente orador internacional, kendenan lo elabora entre otro riba social media, mercadeo digital, transformacion digital y algun otro topico manera ‘customer service’ y ‘company culture’, pa asina haciele un tiki mas habri pa personanan di otro departamentonan cu no ta solamente departamentonan di mercadeo”, segun Benson.

El a splica cu ta algo hopi interesante tambe pa doñonan di negoshi y organizacionnan hasta non-profit.

“Asina nan por ta altanto di e ultimo tendencianan cu ta sosode den e mundo”, segun Benson.

E oradornan e biaha aki ta bay ta Ryo Zsun, Carlos Gil y Timo Raab.