Di 12 pa 40 caso nobo di Covid-19 den un dia

The content originally appeared on: Diario

Otro persona mas a perde su bataya contra e virus — ORANJESTAD (AAN):  E resumen di diamars a spanta hopi hende ora cu a constata cu e casonan nobo a subi di 12 pa 40 den un dia.


Segun resumen di diamars, 10 persona a recupera y un total di 40 caso nobo di COVID-19 a keda registra di cual 4 ta no-residente.

E cifranan aki ta representa un ‘Positivity rate’ bou di residentenan di 19%. E cantidad di casonan activo di COVID-19 ta 210 y cantidad di fayecidonan relaciona cu COVID-19 a aumenta na 178. Forsa na famia di e fayecido.

Datonan ta ilustra casonan nobo di COVID cu un average semanal di 23 caso pa dia y un averahe di ‘positivity rate’ semanal di 16% pa dia.

Actualmente na Aruba tin 7 persona interna debi na COVID di cual den ICU tin 4 persona y riba piso general tin 3.

Na Colombia tin actualmente 6 persona den  ICU y ningun (0) riba piso general.