Den Supermarket ya caba por mira boternan nobo di Jif Peanut Butter

The content originally appeared on: Diario

ORANJESTAD (AAN): Diamars atardi, DIARIO a haci un chekeo di algun Supermarket pa mira si acaso ainda nan tin Peanut Butter (‘pindakaas’) di marca Jif cu ta cay bao di recall.

   Un sorpresa agradable ta cu Supermarketnan na Aruba ya caba a deshaci cu e boternan cu ta recalled.  Esnan peligroso cu kizas ta contagia cu Salmonella ta e serie di productonan afecta ta di lot number 1274425 te cu 2140425.   E mester caba cu “425”.

   Pero na Aruba, ya caba a mira cu e productonan nobo di Jif cu tin riba reki, NO ta cay mas bao di serie ey.

   Aki mes por mira uno di nan, cu ta lot number 1317006.  Pues esun aki NO ta caba cu ‘425’, pues e ta OK pa consumo.

   Esaki ta un bon  noticia pa tur esnan cu ta amante di peanut butter Jif, pues pa sa cu tin lote nobo cu ta full safe, disponible na negoshinan rond di e isla.  Djis paga bon tino pa mira e numbernan di lote.