Den lapso di 24 ora a detecta dos transporte di droga

The content originally appeared on: Diario

Zr.Ms. Groningen cu accion exitoso

ORANJESTAD (AAN): E barco di Marina Hulandes Zr.Ms. Groningen den un lapso di 24 ora a detecta dos transporte di droga. Den esaki e barco a confisca, segun calculacion, 1.040 kg di cocaina.

            Na cuminsamento di juni un avion maritimo di patruya a detecta un ‘go-fast’ (boto rapido cu motor) den laman Caribe.

            Siguientemente Zr.Ms. Groningen a involucra e helicopter MH-65 Dolphin cu ta staciona abordo di Wardacosta Mericano, pa asina por a localisa e contacto sospechoso.

            No mucho despues e boto tabata visual pa e helicopter cu a obliga e boto pa stòp. Un rato despues a realiza un abordahe cu yudansa di un  boto FRISC (embarcacion di intercepcion) cu a detene e ocupantenan. 

            Despues di esaki e tripulacion di Zr.Ms. Groningen, djis un rato despues di caba cu e prome accion, a mira un di dos ‘go-fast’. Di mes tabata bon cla cu Zr.Ms. Groningen tabata djis un par di miya nautico leu for di e ‘go-fast’. Pues a actua masha rapido mes, mandando un biaha mas e helicopter y e dos botonan FRISC (embarcacion di intercepcion) den su direccion. Debi na e rapides di accion e di dos ‘go-fast’ a keda deteni.

            E cinco ocupantenan di ambos accion ademas di e contrabanda, a keda entrega despues na un barco di Wardacosta Mericano, pa procesamento na Merca.