Den bus, e studiantenan a yega Colegio San Antonio pa haya nan resultado

The content originally appeared on: Diario

ORANJESTAD (AAN):  E studiantenan di Colegio San Antonio na Santa Cruz tambe tabata den ambiente festivo.

Un grupo grandi di hobennan a acudi na nan scol pa asina haya sa e resultado di nan examen.

            Alumnonan como docentenan tabata den ful ambiente entregando y ricibiendo e resultadonan. Por a mira hopi emocion y caranan contento, como tambe caranan di tristesa.

            Colegio San Antonio a saca diahuebs e nombernan di esnan cu nan sa cu ta bay gradua sigur den e prome ronde y despues, esnan cu nan nomber no a sali mester a bay cerca nan mentor pa haya sa kico tur ta e opcionnan cu tin pa nan logra pasa e proceso pa gradua.

            DIARIO ta expresa palabranan di pabien na tur studiante cu a slaag y esnan cu ainda tin cu haci nan herexamen, hopi exito!.’