Defensa Hulandes y Wardacosta di Caribe a renoba nan Combenio

The content originally appeared on: Diario

ORANJESTAD (AAN): E siman aki, Vice Admiral Tas, Comandante di Forzanan Naval (C-ZSK), y Comandante Hansen, Director Wardacosta di Caribe Hulandes,

a firma e Combenio renoba entre Ministerio di Defensa y Wardacosta den Region Caribe. Ministerio di Defensa den esaki ta keda representa pa C-ZSK. E combenio ak, cu cada tres aña ta keda actualiza, ta regla acuerdo di apoyo y cooperacion mutuo entre ambos organizashon.

   E combenio ta prepara pa legalmente registra y facilita e cooperacion entre Ministerio di Defensa y Wardacosta. E ta describi prestashon di servicionan di apoyo den region Caribe pa diverso dependencia di e Comando di Forzanan Naval y otro componente di Defensa. Tambe e ta describi e procedimentonan con pa aborda y resolve problemanan di apoyo mutuo.

   Aunke Wardacosta ta un Organizashon independiente, e ta keda intensivamente sosteni pa Defensa y mira como un parti integral di CZSK. Cu frequencia personal di Defensa ta keda facilita pa funcionnan specifico, y e barco di patruyahe di Defensa, incluso e helicopter abordo, ta keda desplega di forma planifica pa operashonnan di Wardacosta.

   Di otro banda Defensa por haci uso di Unidadnan di Wardacosta, tal manera e avion di Wardacosta. E coperashon aki a resulta specialmente eficaz den e lucha contra transportenan di droga riba lama.

   E sosten na Wardacosta ta keda suministra specialmente pa Comandante di Forzanan Naval den Region Caribe (C-ZMCARIB). Cede principal di Wardacosta ta establesi na Base di Marina Parera na Curaçao, djis banda di e cede principal di C-ZMCARIB. E funcion di C-ZMCARIB ta keda cumpli pa Comandante Hansen, cu tambe ta ocupa e funcion di Director di Wardacosta.

   E combenio renoba aki ta reforza e estrecho cooperacion y cooperacion operativo enter Defensa y Wardacosta, pa medio di cua seguridad y eficacia di operacionnan den Region Caribe por ser mehora aun mas.