Cu e reforma fiscal basta cambio ta bay bin cu ta bay impacta comunidad henter

The content originally appeared on: Diario

Lance Henriquez di Grant Thornton

ORANJESTAD (AAN):  Lance Henriquez, Tax Manager na Grant Thornton a trece dilanti durante e lansamento di Grant Thornton Academy Aruba cu nan ta bay tin un academia dedica na impuesto.

El a agrega cu aworaki e tema di impuesto ta un ‘hot topic’, cu den reunionnan di stakeholders y den comunidad ta algo cu ta ser treci riba mesa.

Departamento di Impuesto a anuncia diferente reforma cu ta bay bin. E ta bay ta un reforma hopi extenso y ta importante pa por comparti nan conocimento cu comunidad pa prepara nan y informa nan riba e cambionan cu ta bay bin, Henriquez a remarca.

El a enfatisa cu ta basta cambio ta bay bin cu ta bay impacta comunidad henter. Pesey Gran Thornton ta contento di por comparti nan conocimento cu e comunidad.

E dianan 15, 16 y 17 di Maart comunidad di Aruba ta invita pa participa den e ‘academy’ unda lo duna informacion riba e reformanan.

Lance Henriquez a indica cu ta bay introduci un impuesto conoci como BTW cu ta bay reemplaza BBO. No solamente esey, ta bay tin hopi mas cambio manera riba winstbelasting, y cu ta bay afecta tambe inkomstenbelasting, loonbelasting, dividenbelasting.

Shelby Maduro, Senior Manager na Grant Thornton Aruba den e departamento di Advisering ta e persona encarga cu e asina yama habilidadnan manera liderazgo, con pa duna feedback, con ta coach, comunicacion, etc

Kier inicia na April cu e prome sesion cu ta bay trata e tema di desempeño cu e empleadonan. Con abo como manager of supervisor tin cu duna un feedback na bo colega y con pa haci esaki den un manera constructivo, pero tambe cu e colega of empleado por crece den dje.

Riba e aspecto aki a ripara cu hopi hende tin dificultad pa haci esaki. Door di esey ta bisa cu ta bay cuminsa cu esaki como e prome training, Maduro a splica.