Copa Don Elias Mansur 2024 ta continua

The content originally appeared on: Diario

ORANJESTAD (AAN):  Copa Don Elias Mansur 2024 ta continua cu candela grandi. Diahuebs anochi despues di un bunita apertura,

unda a duna reconocimiento na cuatro baluarte tricolor, e torneo a bay live.             Soldadnan di Solito a mustra e “gang di Pos Chikito” cu Hoofdklasse ta cos serio. RCA ta dal Unistars 8 pa 0. Despues ta sigui un bataya fuerte, na final ta e Racing Club di Savaneta RCS ta mand’e Caymannan bay dodo den dam di Rooi Afo cu e score di 1-0.

            Diabierna tempran e Naranhadanan, cu ta masha fiel na CDEM, a bay midi forsa cu e Indjannan di Paradera, Estrella vs Caiquetio pa 7or. Y despues ta otro candeloso partido entre Riverplate di Madiki y Gueriyeronan di Brazil jrs., e accion aki a start pa 9or.