Conseho Electoral ta preparando pa e aña di eleccion

admin

ORANJESTAD  (AAN): Aña di eleccion na 2017 mes. Kico por pasa for di awor aki?

Dia 10 di juli tin cu instala e comision nobo di Conseho Electoral. Segun Hubert Maduro, presidente di Conseho Electoral, a splica cu e no sa si tin tarea pa haci. Ta supone cu si. Tin hendenan cu ta move den pueblo cu nomber di un partido nobo. Ta spera cu nan bin pa registra e partido nobo.

Ta kere cu esey lo ta e ultimo pa e eleccion aki pasobra tempo ta birando masha cortico. E fecha di 10 di juli, ta e fecha cu e nombramento di e miembronan permanente di e conseho ta core. E ta core 4 aña, di 10 di juli pa 10 di juli. Tempo cu nan a cuminsa, tabata durante un aña di eleccion y a cuminsa riba e fecha aki. Awor aki cada 4 aña mester di un nobo.

Partidonan nobo oficial

Maduro a splica cu ultimo cu a entrega un decreto ta di MAS. Esey ta den e periodo aki di cuater aña, esey ta number dos. Na comienso di aña 2016 tabata tin un partido mas cu a lanta cu a entrega su credencialnan na San Nicolas. Esey ta partido ABO.

E partido cu a lansa su mes den Cas di Cultura oficialmente, no mester sa di dje tampoco. Ta ora pidi e registracion y nan tin cu pasa den diferente cos prome cu tin e partido organiza. Manera haya e statutonan. Prome cos cu tin mester ta statuto pa por funciona como partido. No ta problema si un partido no tin statuto.

Te awor aki partido POR no a registra. Si e ta awor aki, tin un parti oficial pa cana. Awo no por bisa exactamente e dia, pero nan tin bastante dia pa registra. Ta yega un deadline si. Si registra mes, no por participa mas. Pero esey ta leu den Juni segun Maduro.

Segun Maduro, ta sigui bay pa e ultimo diabierna di September. Ta e datum di mas cerca cu tin cu e miembronan di Staten a worde eligi biaha pasa, cual 29 di September e biaha aki.

Ora cu ta partido nobo, tin un stap mas pa haci. Una bes cu a registra, tin cu demostra cu tin un sosten den pueblo y mester haya mas of menos 500 firma pa sostene e lista. Esnan cu ta den parlamento no tin mester, segun Maduro. E ta un drempel cu tin e sistema cu un cantidad di lista y e votadonan dia di eleccion bay haci un manera pa deshaci di e partidonan chikito tambe. Awor aki, si registra bo tin cu wak bo mustra bo tin algo di bida ainda.

Next Post

E aña aki tin 70 tienda den Caya Grandi cu por haci uso di e orarionan flexiblel

Minister Arends “Orario flexibel pa habri y cera tiendanan” ORANJESTAD(AAN): Gabinete Mike Eman a anuncia algun aña atras caba cu a haci cambionan den maneho di otorga e permiso pa expande y flexibilisa orario di tiendanan. “Dunando oido na e preocupacionan di comerciantenan y pa fungi como facilitador, ya caba […]