Como cien miembro di clubnan hubenil lo ta bendiendo rifa di WKF Diasabra 26 otro siman!

admin

Como cien miembro di clubnan hubenil lo ta bendiendo rifa di WKF Diasabra 26 otro siman!ORANJESTAD (AAN) – Diahuebs atardi a tuma lugar den e oficina di Fundacion Wilhelmina Kanker Fonds, un conferencia di prensa pa introduci e hubentud cu ta para atras di e fundacion, y cu bay cubri Aruba completo pa yuda e fundacion bende full e ticketnan di e rifa cu nan ta bezig cune.

Den e conferencia di prensa a hiba palabra sra. Lenny Theysen di FWKF; Natalia Maduro, director di Parlamento Hubenil Aruba; Jouline Croes, futuro miembro di PHA, Aldrich Dijkhoff, di Poder di Hubentud y Shelby Maduro, di Rotaract Club of Aruba.

Sra. Theysen a habri e conferencia di prensa y a señala cu tabata tin varios club presente, y cu e ayuda cu e hobennan aki ta bay aporta ta un gran alivio pa e fundacion, pasobra nan tin San Nicolas te e punta di Noord pa recauda fondo door di bende rifa, y tur hende ta ricibi nan cu un sonrisa, locual ta masha agradable y cu nan ta cumpra e rifa cu smak.

E benta di e rifa te aworaki ta bayendo fabuloso, sra. Theysen a subraya, y comercio ta colaborando basta bon.

Seguidamente, sra. Natalia Maduro a hiba palabra.  El a duna di conoce cu Diasabra 26 di September e hobennan ta bay sali caya pa purba bende tur e ticketnan. E tin diferente locacion, y sra. Maduro ta pidi pueblo di Aruba, pa tene cuenta cu e lugarnan aki.

E siguiente lugarnan unda e hobennan ta bay pasa ta: Santa Cruz, dilanti Imelda Kleuterschool, rotonde na Paradera, pafo di Bestuurskantoor, Misa di Noord y na San Nicolas, y e horario ta entre 9’ or di mainta te cu 4’ or di atardi.

Dia 1 di November nan ta bay presenta e resultado di e rifanan via Tele Aruba. Esey kiermen cu pueblo di Aruba ta bay haya sa kendenan lo ta tur e ganadornan di e diferente premionan, cu ta hopi atractivo.

Sra. Maduro kier a encurasha tur hende pa aporta. El a expresa cu tur hende conoce un famia of un amistad cu a sufri di cancer, locual no ta algo chikito sino un causa grandi, y cu por acudi na Wilhelmina Kanker Fonds cu ta duna hopi asistencia y cuido, y nan ta desea pa mas famia haya e ayudo aki.

El a menciona tambe cu no menos cu cien hoben di e diferente clubnan lo ta bendiendo e rifa riba diasabra otro siman, dia 26 di September.

 

 

 

Next Post

Insulina ta e yabi pa habri e lock y laga e sucu den sanger bay den celnan pa produci energia!

Dr. Maritza Ordoñez ta splica: ORANJESTAD (AAN) – Dr. Maritza Ordoñez, di DESPA, durante su charla den Centro di Bario Playa Pabao, organiza pa Artsenassistent Aruba, a elabora un tiki mas amplio, tocante kico ta insulina. El a indica cu Insulina ta un hormona produci pa e celnan beta di […]