Como 1.000 mata nativo di Aruba a wordo planta

The content originally appeared on: Diario

ORANJESTAD (AAN): Tabata Diasabra 23 di december, personanan a bini hunto pa celebra e gran logro aki cu e organisacion ‘Ban Lanta y Planta’ y tur presente.

Durante e ultimo añanan nos tabata tin e placer pa pone man na obra y experiencia e crecemento di cada mata cu e fundacion a bin ta planta na e Bucuti & Tara GMC Nature Preserve. Sigur un logro remarcabel cu ta cultiva un ecosistema floreciente.

  Di pasonan chikito te na e esfuersonan grandi, tur hende por hunga un rol den conservacion di Aruba su naturalesa. Ta un oruguyo pa mira con nos pueblo ta uni pa preserva e beyeza natural di nos isla.

   Ministro Ursell Arends a manda palabra di gradicimento na e fundacion su team completo, specialmente Anita Mijts-Aerts y Jeroen Van Dasselaar como tambe tur boluntario cu ta asisti pa hunto yuda Aruba su naturalesa recupera.

Cheers pa un 2024 cu mas avanse di iniciativanan ambiental tanto riba tera como bou di awa.