Comerciante furado di stoel ta acusa Polis di tin su 58700 florin te awe y ta perhudik’e di haci negoshi

admin

ORANJESTAD  (AAN): Comerciante Leoncio  Corona mester come y haci negoshi naturalmente. El a haya un problema grandi, cu a cuminsa cu e Chines cu a cumpra e edificio na Shiribana caminda e tin su negoshi. El a haya un inval na su cas di polis y a bisa cu e ta laba placa, bende droga, etc., siendo cu e tin e negoshi for di 1997.

Ora cu polis a yega su cas y na su negoshi, na cas el a haci tur cos bon, pero na su negoshi, polis a haci cierto cos na su negoshi cu no ta cuadra cu ley. Ora cu nan a bin arest’e, Corona a bisa cu e tin tur su pertenencianan na su oficina. El a bisa polis cu e tin su placa y tur cos na su oficina. Corona tabata tin 58700 florin na su oficina cash, cu ta di un tereno cu el a bende y ta cos cu e tabata tin prueba di unda e placa a bin.

E tabata tin mas placa den su cartera tambe. Na momento cu nan a hib’e den auto, el a bisa otro dos agente, cu e tin cos di balor y asina mes nan ta tild’e di bende droga. Ora cu a yega corte, fiscal a bis’e cu no tin nada contra dje, pero polis ta bisa cu nan kier sigui papia cun’e. Despues cu a yam’e bay, el a dura cuater dia cera.

El a bay busca tur derecho di su placa y te ainda e no a haya su cen. Nan a bay cu su pertenencianan. Corona ta pone nan responsabel di loke a pasa den su oficina. E tabata tin su placa eyden y eynan tur cos a cuminsa cay. E no tin placa pa nada awor. E tin un aña cu e ta bezig cu ministerio publico.

El a manda carta pa fiscal Schwengle entre otro, pa pidi pa nan soluciona su caso di su cen pa wak si e por sigui cu su bida y su famia, cu ta sufriendo masha hopi door di esey.

Y awo con

Segun Corona, e ta purbando pa aloca tur su cosnan tiki tiki. El a cuminsa aloca cierto cosnan den un luga cerca y a papia cu cierto cliente cu a wak su situacion y nan mes a bin yud’e pa bay cu algun cos tanten e stabilisa pa haci trabao bek. Awor aki no tin un luga grandi pa hinca tur cos. Corona kier sigui traha pasobra di esey e ta biba.

Si por haya su placa lihe cu ministerio publico a confisca, hunto cu polis, e ora e por sigui cana su caminda. Corona ta purbando pa move tur cos mesora pa asina e por continua cu su trabao.

Next Post

Awe ta sigui cu caso di atraco arma riba turista

ORANJESTAD (AAN) E homber Z.T., awe mainta mester presenta dilanti Hues pa e caso penal cu Ministerio Publico a cuminsa contra di dje. Na April 2016 e caso aki a keda posponi pasobra e procesverbaal oficial di Polis no ta cla. Tambe Fiscal tabata kier pa dos otro sospechoso tambe […]