Colegio EPI a anuncia e porcentahenan oficial di graduadonan pa aña escolar 2020/2021

The content originally appeared on: Diario

ORAJESTAD (AAN)- E diferente unidadnan di Colegio EPI ta honra di a haci entrega di diploma na e graduadonan


di e diferente programanan di educacion durante ceremonia di graduacion cu a tuma lugar di juli 5 te cu juli 8, 2021.

            E resultado total di graduacion pa Colegio EPI ta 75% porciento y un total di 250 profesional cu diploma di MBO.  Esaki atrobe ta un mehoracion pa EPI compara cu aña escolar 2018-2019 (68%) y 2019-2020 (74%).

            E resultado pa e diferente unidadnan ta como lo siguiente,

76 porciento na unidad Ciencia & Tecnologia,

86 porciento na unidad Economia,

72 porciento na unidad Hospitalidad & Turismo y

71 porciento na unidad Salubridad & Servicio.

            Colegio EPI ta duna danki di curason na su personal completo pa e trabao increibel haci durante e aña escolar vooral mirando crisis di e pandemia di COVID cu Aruba poco poco ta surpasando. E ta un muestra mas di e capacidad, pero tambe e amor y dedicacion di tur esnan cu ta labora como un ekipo na Colegio EPI.

            Di mes forma ta duna pabien na tur graduado cu tambe a traha duro durante e periodo di crisis y a logra nan meta di obtene un diploma. Ta desea nan tur hopi exito pa futuro!

            Por aprecia algun potret di e ceremonia di graduacion tuma for di e Facebook Page di Colegio EPI.