Clarice Holman a representa Aruba den ‘Dog Show’ na Merca

The content originally appeared on: Diario

ORANJESTAD (AAN): Un bes mas Clarice Holman,  Master Groomer na Aruba, a sa di representa su isla dignamente den e mundo di Dog Show na Merca como groomer y handler.

            El a wordo invita recientemente pa bay prepara (groom) y saca cacho den ring(handler)  na Dog Show na Bloomsburg Pennsylvania.

            Clarice a biaha di antemano pa custuma cu e cachonan, train cu nan y prepara nan pa drenta ring di show.

            E cachonan a luci y a gana varios premio durante e competencia teni durante diferente dia y categoria.

            E cachonan cu Clarice a prepara ta dos standard poodle y un toy poodle.

            Clarice ta conta:” Mi ta sumamente contento y satisfecho cu nos a logra varios 1e  y 2o premio y tambe premionan manera “Winners” cu ta e premio maximo despues di gana den 1 of mas sub categoria di e cacho.

            Como unico groomer di region di caribe memey di e grandinan na Merca ta haci cu semper tur wowo ta riba bo y espectativa ta halto.

No pressure right?!

            Mi ta asina orguyoso di e cachonan, nos a cera un bond cu otro y nan tawata confia mi pa nos shine  hunto. Mi ta bay miss nan. Na final, ta nan momento.

            Mi ta asina agradecido pa e oportunidadnan aki, unda cu mi por demostra cu Aruba  tambe tin talento y cu nan ta balora y respeta mi trabao den exterior riba e nivel aki di grooming.”

            Kier felicita Clarice Holman como tambe e doñonan di e cachonan cu nan exito/ premionan y gradici Clarice pa semper haci un bon trabao y laga Aruba su nomber semper na halto.