CEDE Aruba ta ofrece hobennan Arubiano e oportunidad pa haci trabao boluntario na Spaña of Hulanda

The content originally appeared on: Diario

ORANJESTAD (AAN): Un otro parti di mundo, conoce otro hende y siña un idioma nobo.

Esaki ta posible cu trabao boluntario na Europa. CEDE Aruba ta ofrece hobennan Arubiano e oportunidad. No lage pasa bo.

            Abo ta entre 18 y 30 aña di edad, tin pasport valido y por biaha 6 lunanan, 10 lunanan of 12 lunanan? Den e caso ey CEDE Aruba ta busca abo!

            International Youth Projects di CEDE Aruba tin proyectonan disponible na Spaña y Hulanda. Perfecto pa hobennan cu kier tuma un gap year, prome di bay studia of traha.

            Na Spaña ta un organizacion pa personanan cu limitacion mental. Nan tin dos lugarnan, na Tremp y na Tarrega. Pa e location di Tremp por manda boluntarionan pa 6 lunanan, desde medio juli 2022. Pa e location na Tarrega por manda hobennan pa 10 lunanan, desde september 2022. E boluntarionan lo yuda empleadonan y lo organisa actividadnan.

            Na Hulanda  ta traha hunto cu un compania cu ta specialisa den cushina. Nan location ta na Barneveld. Por manda boluntarionan pa 12 luna, desde augustus of september 2022. Siña tocante catering y cushina. E proyecto ta ideal pa hobennan cu ta pensa pa biba na Hulanda, pa conoce e pais.

            CEDE Aruba ta financia via European Solidarity Corps (ESC) pa manda boluntarionan. International Youth Projects ta assisti y guia e boluntarionan na Aruba, hunto cu e host na e otro pais.

            Riba e website www.cedearuba.org/international-youth-projects tin mas info tocante CEDE Aruba.