Carnaval, un momento unda cu tur hende a uni pa celebra nos cultura y identidad

The content originally appeared on: Diario

Pabien Aruba cu su Carnaval 70 sublime!

ORANJESTAD (AAN):  Na Aruba, cada aña nos ta celebra nos tradicional Carnaval cu gran entusiasmo y alegria. Aunke e situacion economico kisas ainda no ta e miho pa hopi, pueblo arubiano ta stima nan isla y ta duna tur loke nan por pa yuda y contribui na un Carnaval impresionante, y sigur esaki tabata e caso pa carnaval 70. Esaki no solamente ta refleha e amor y dedicacion di e pueblo pa e isla, pero tambe ta yuda atrae mas turismo.

            Carnaval na Aruba ta un evento cu ta mara na cultura y historia di nos hendenan. Durante e periodo di Carnaval, e isla ta bira un yen luho rondona di musica vibrante, color y tradicionnan unico.

            Tur hende ta bisti nan miho trahenan di carnaval, cu costumenan creativo pa celebra e alegria di e temporada.

            Aunke e reto di organisa un Carnaval grandi manera esaki ta hopi, e pueblo arubiano a demostra nan resilencia y determinacion. A organisa carnaval cu e mesun entusiasmo y pasion cu nan a haci den añanan anterior. Mescos cu e retonan economico cu e comunidad por enfrenta, Carnaval ta un momento unda cu tur hende ta uni pa celebra nos cultura y identidad.

            Carnaval di Aruba ta hopi mas cu solamente un evento local. E ta un atraccion turistico importante cu ta yuda fomenta e industria di turismo di nos isla.

            Turistanan ta bishita Aruba specificamente pa presencia e alegria y e energia cu yama Carnaval. Esaki ta representa un impulso economico importante pa e isla, ya cu ta genera entrada pa negoshinan local, for di hotelnan, restaurantnan y tiendanan.

            Pa nos pueblo, Carnaval ta mas cu solamente un evento. Ta un herencia cu nos ta orguyoso di mantene y cultiva. E ta un momento di alegria, creatividad y union. Mescos cu nos por encontra retonan economico y otro desafionan, comunidad a uni y a duna tur loke tin pa por a trece un Carnaval impresionante, un celebracion di cultura y resilencia cu ta duna luz y bida na nos isla.

galleryCarnaval, un momento unda cu tur hende a uni pa celebra nos cultura y identidad/gallery