Candela grandi pabao di Dam na Moko

ORANJESTAD (AAN): Diamars anochi laat, debi na multiple yamada, tanto Patruya di Polis y unidadnan di Brandweer a sali pa un candela hopi grandi pabao di e dam na Moko.

   E candela aki por a wordo mira di leu, esta un parti oraño den cielo den e area di Moko.

   Na e momento ey, e biento a cay casi por completo, duna un ventaha na e bomberonan pa contene e candela, evitando e di sigui cana.  Pero toch e tabata basta grandi y feroz.

   A compronde cu e lugar unda e candela a cuminsa, ta mustra manera un dump chikito bay aden. E candela mes a cuminsa basta paden di unda auto ta pasa.

   Aunke no tin biento, a pasa den basta trabou pa paga e candela aki cu ta grandi.  Pero Diaranson den dia e candela a start bek atrobe, y esey por lesa den otro articulo.