ORANJESTAD(AAN)— Dialuna anochi a inicia e di 10 campeonato Sur Americano di bowling Senior y Super Senior 2017 na Eagle Bowling Center. E anochi aki a inicia cu reconocimiento na algun bolicheronan caminda hopi a recorda e dushi momentonan di antes.
Despues a sigui cu defile di e teamnan participante y inicio di e weganan . E campeonato lo ta tur dia na Eagle Bowling Palace for di 9’or di mainta y lo termina dia 29 di April.
ARBAS cu ta anfitrion di e evento ta conta cu participacion di 10 pais cu ta Argentina, Aruba, Chile, Colombia, Panama, Peru, Paraguay, Venezuela, Uruguay y Brazil. Amantenan di bowling por pasa tur e dianan aki y presencia e senior nan aki den accion.