Cambio proponi di pago di number di auto por trece problema

admin

Andin Bikker di PDR:

Cambio proponi di pago di number di auto por trece problemaORANJESTAD(AAN): Despues cu Parlamento a reuni cu oficialnan di departamento di impuesto e siman aki, lider di fraccion di Democracia Real, sr Andin Bikker a mustra su preocupacion grandi pa e cambio cu Gobierno kier introduci relaciona cu pago di impuesto di number di auto pa 2017.

Segun sr Bikker, den e cambio di ley nobo ta intencion di Gobierno pa cambia e ley di tal forma cu doño di un auto ya no ta haya cuater posibilidad pa paga su belasting di auto conoci como ‘kwartaal’ pero lo tin cu haci esaki den solamente dos pago.

Bikker a sigui mustra cu Democracia Real tin un preocupacion grandi con e decision aki lo bay afecta esunnan di menos recurso, cu si ta logra di paga e impuesto den cuater pago y awor nan tin cu bay pone mas placa pa haci esaki den dos paga, loke sin duda lo trece algun problema pa hopi hende, principalmente pa esunnan cu ta ricibi ‘reparatietoeslag.’

Lo trata di haya mas informacion riba e cambio aki cu lo kier introduci y na mes momento sr Bikker a mustra cu e lo trata pa gobierno mantene e sistema di pago cu tin actual, caminda un ciudadano lo por paga su impuesto den cuater pago na luga di dos.

Na mes momento sr Andin Bikker a mustra cu e tin bon noticia pa un grupo grandi di hende cu ta doño di autonan clasico, despues cu el a wordo acerca dor di e grupo aki pa introduci un tipo di number pa autonan aki, y Democracia Real lo presenta un amienda pa un cambio durante tratamento di e ley di pago di impuesto pa asina Minister concerni lo por tuma esaki na consideracion y mira con lo por cambia esaki.

Andin Bikker a mustra cu e prome reaccion di Gobierno tabata positivo y ta habri pa atende cu e amienda y mira kico lo por haci cu e proposicion cu su fraccion lo presenta pa medio di un amienda.

Next Post

Ruso deteni inhustamente ta suplica ayudo di Minister Arthur Dowers

E ta pasando den situacion inhumano na Aruba ORANJESTAD (AAN) – Matutino DIARIO a ricibi un carta habri di un persona Ruso, yama Bardin Konstantin, ken a manda pa Redaccion e siguiente relato, suplicando yudanza di autoridadnan na Aruba, of di esnan encarga cu Proteccion di Derechonan Humano na Aruba […]

Cambio proponi di pago di number di auto por trece problema

admin

Andin Bikker di PDR:

Cambio proponi di pago di number di auto por trece problemaORANJESTAD(AAN): Despues cu Parlamento a reuni cu oficialnan di departamento di impuesto e siman aki, lider di fraccion di Democracia Real, sr Andin Bikker a mustra su preocupacion grandi pa e cambio cu Gobierno kier introduci relaciona cu pago di impuesto di number di auto pa 2017.

Segun sr Bikker, den e cambio di ley nobo ta intencion di Gobierno pa cambia e ley di tal forma cu doño di un auto ya no ta haya cuater posibilidad pa paga su belasting di auto conoci como ‘kwartaal’ pero lo tin cu haci esaki den solamente dos pago.

Bikker a sigui mustra cu Democracia Real tin un preocupacion grandi con e decision aki lo bay afecta esunnan di menos recurso, cu si ta logra di paga e impuesto den cuater pago y awor nan tin cu bay pone mas placa pa haci esaki den dos paga, loke sin duda lo trece algun problema pa hopi hende, principalmente pa esunnan cu ta ricibi ‘reparatietoeslag.’

Lo trata di haya mas informacion riba e cambio aki cu lo kier introduci y na mes momento sr Bikker a mustra cu e lo trata pa gobierno mantene e sistema di pago cu tin actual, caminda un ciudadano lo por paga su impuesto den cuater pago na luga di dos.

Na mes momento sr Andin Bikker a mustra cu e tin bon noticia pa un grupo grandi di hende cu ta doño di autonan clasico, despues cu el a wordo acerca dor di e grupo aki pa introduci un tipo di number pa autonan aki, y Democracia Real lo presenta un amienda pa un cambio durante tratamento di e ley di pago di impuesto pa asina Minister concerni lo por tuma esaki na consideracion y mira con lo por cambia esaki.

Andin Bikker a mustra cu e prome reaccion di Gobierno tabata positivo y ta habri pa atende cu e amienda y mira kico lo por haci cu e proposicion cu su fraccion lo presenta pa medio di un amienda.

Next Post

Ruso deteni inhustamente ta suplica ayudo di Minister Arthur Dowers

E ta pasando den situacion inhumano na Aruba ORANJESTAD (AAN) – Matutino DIARIO a ricibi un carta habri di un persona Ruso, yama Bardin Konstantin, ken a manda pa Redaccion e siguiente relato, suplicando yudanza di autoridadnan na Aruba, of di esnan encarga cu Proteccion di Derechonan Humano na Aruba […]